Albisteak

2026-11-17

Miren Zabaleta: “Boto bakoitza ezinbestekoa da, presentzialki edo postaz, bozkatu EH Bildu”

Miren Zabaleta: “Boto bakoitza ezinbestekoa da, presentzialki edo postaz, bozkatu EH Bildu” NAFARROA

Posta bidezko bozkaren garrantziaz berri emateko, Miren Zabaleta EH Bilduren Nafarroako arduradun politikoak agerraldia egin du gaur goizean.

“Aurten azaroaren 29an bozkatzea dagokigu, San Saturnino zubiaren erdian hemen, Iruñean. Horregatik, aurrez aurre bozkatu ezingo duen jende guztia animatu nahi dugu posta bidezko botoa eskatzera. Eszenatoki baten aurrean gaude, non boto bakoitza ezinbestekoa den. Ezinbestekoa, ultraeskuina geldiarazteko eta Nafarroa eta gure eskubideen defentsan pauso bat aurrera emateko.

Gazteei, emakumeei, familiei eta hobeto bizi nahi duten langile guztiei zuzendu nahi gatzaizkie. Mobilizatzeko unea da, bozkatzeko unea. Euskal Herria Bilduri botoa emateko unea, ziurtasunez maila emango dugulako eta jasotako babesari erantzungo diogulako. Joan den larunbatean Bilboko kaleetan erakutsi genuen proiektu honen indarra eta ilusioa, eta azaroaren 29an bultzada hori bera hautestontzietara eramatea tokatzen da, aurrez aurre edo postaz.

KM0 indar bat gara, lurraldeari lotua, nafarren benetako beharrekin konprometitua. Gertaerek bermatzen dute: eskuinari eta eskuin muturrari bidea ixten jakin dugu, eta, aldi berean, jendearen egunerokoa hobetzen duten akordioak lortzen, erantzukizunez eta zintzotasunez. Norabide hori sendotzeko, ahalik eta babes handiena behar dugu. Inork ez luke etxean geratu behar, ezta une erabakigarri honetako protagonista izateko eta itxaropenaren bandera altxatzeko aukera galdu behar ere. Partidua dago eta irabaztera irtengo gara.

Hartu hitza!
Zure ideiak entzun nahi ditugu
Batu!
Aktibisten sarera gehitu zaitez
Saretu!
Sare sozialetan aktibismoa
Deskargatu!
Material eta bitartekoen kit-a