Bi espedienteen kudeaketa hauetan iluntasuna, informazio falta eta diru-xahutzea salatu du talde abertzaleak

EH Bilduren Iruñeko udal taldeak bi adierazpen aurkeztuko ditu ostegun honetako Osoko Bilkuran. Lehenik eta behin, eta iragarritako Zangoza kaleko aparkalekuari dagokionez, hura gelditzea defendatuko du, edozein erabaki hartu aurretik bi prozesu ireki daitezen: bata, Hirigintza Batzordean, arkitektura, paisaia eta mugikortasun jasangarri arlotik teknikoki aztertzeko; eta bestea, auzotarren kontsulta barne hartzen duena. Bigarrenik, Labriteko Pasabideari dagokionez, alderdi abertzaleak batzorde berezi eta monografiko bat eskatuko du, baita Hirigintzakoa ere, espediente osoa modu garden eta sakonean azal dadin.

Bi adierazpenetan, EH Bilduk salatu egin du gobernu taldearen kudeaketaren iluntasuna eta konfidentzialtasuna; izan ere, espedienteak izapidetu ditu eta erabakiak hartu ditu taldeei informaziorik eman gabe eta taldeek eskatutako dokumentazioa garaiz eta behar bezala eman gabe. “Hori, zoritxarrez, gobernu-talde honen nortasun-ezaugarri bat da, eta behin eta berriz esateagatik ez diogu salatzeari utziko”.

Labriteko Pasabidearen kasu zehatzean, “talde abertzalearen adierazpenak espediente honen diru-xahutzea eta kudeaketa onartezina ere salatzen du, izan ere, inolako erantzunik gabe erakusten du pasabide berri baten aukera azkarragoa, juridikoki seguruagoa eta merkeagoa zelako”.  “Iruindar guztion artean ordaindu dugu lardaskeria honek kostatu duenaren ia bikoitza. Gainera, iragarritakoaren arabera kostua ia hirukoizten du, eta okerragoa dena da oraindik ez daukagula ziurtasunik gastatutako diru guztia berreskuratuko denik”, testuaren azalpen-zatiak dioenez.

Zangoza kalean iragarritako aparkalekuaren kasuan, deklarazioaren arabera, “Zangoza kalean kokatzea hirigintza aldetik, ekonomikoki eta ingurumenaren aldetik zentzugabekeria handia da, hainbat arrazoirengatik: II. Zabalguneko kale bakarretako bat delako, zuhaitzak finkatuak dituena (hura egiteak 46 zuhaitz kaltetuko dituelako eta 35 platanondo eta 11 astigar baino gehiago desagertuko direlako, horietako batzuk 50 urtetik gorakoak), Galizia etorbidean aparkaleku kopuru bikoitza baino gehiago dituen proiektu bat dagoelako, eta Maristen lurzatian auzo-garaje bat aurreikusten delako.