Osoko Bilkurari Memoria Historikoaren Dokumentu Funtsaren txostena babestea eta babesa ebaluatzeko ekimena auzoari helaraztea eskatu diote

Iruñeko Udaleko EH Bildu, PSN eta Geroa Bai taldeek, Emakumeen Kontseiluaren aurrean (apirilaren 27an) Frankismoak errepresaliatutako emakume talde batek Txantreako Hegoaldeko Planaren urbanizaziotik sortutako zortzi kale berriei izena emateko proposamena bultzatzeko ekimena defendatuko dute bihar Osoko Bilkuran. Halaber, inguru horretan bertan Mendigorria kalean sortutako biribilgune berria ere zerrendan sartzea proposatzen da. Ekimena 2021eko otsailean Herritarren Gaietarako Batzordean hartutako erabakiekin lotzen da (“1936ko kolpe militarraren ondoren errepresioa jasan zuten emakume langile eta antifrankista guztiak gogoraraztea”), eta emakume horien memoria berreskuratzearen inguruan Nafarroako Memoria Historikoaren Funts Dokumentalak Udalaren beraren enkarguz egin duen lanari balioa ematea eskatzen du. “Bada garaia erakusteko hiri honek emakume horiekin duen konpromisoa benetakoa dela eta adierazpen soiletatik haratago doala, eta urbanizazio berri honekin egiteko aukera ezin hobea dugula”, diote bi alderdiek.

Adierazpenak gogorarazten duenez, iazko otsailaren 9an hartutako erabakiak argi eta garbi adierazten zuen “Iruñeko emakume aurrerakoi, abertzale eta ezkertiarrek Errepublikaren zein diktaduraren garaian hiriaren aurrerapen politiko, demokratiko eta kulturalari egindako ekarpen handiaren balioa nabarmentzeko helburua, frankismoaren inposaketak eta debekuak saihestuz”. Era berean, Emakumeen Izendapena Iruñean 'taldeari eskatu zitzaion errepresaliatutako emakume iruindarren zerrenda bat egin zezala altxamendu militarraren ondoren, aurrerapen sozialaren eta berdintasunaren alde egindako lan politiko, kultural eta profesionalagatik, Errepublikaren garaian edo diktaduran, eta zerrenda hori osoko bilkurari proposa ziezaiola, hiriko kale-izendegian sartzea erabaki zezan.

Apirilean, orain urtebete, taldeak proposatu zuen ezen, “ahalik eta zorroztasun handiena bermatzeko eta adostasuna lortzeko, Nafarroako Memoria Historikoaren Dokumentu Funtsari eskatzea zerrenda egiteko, proposatutako emakume bakoitzari dagokion erreseina eginda”. Proposamen hori betetzeko, Berdintasun Arloak aipatutako txostena eskatu zuen, eta “duela hilabete batzuk entregatu zitzaion”, “nahiz eta gobernu-taldeak ez dion biderik eman”. “Gure ustez, premiazkoa da lan hori eratu berri den Emakumeen Kontseiluari jakinaraztea, baita Txantreako Hegoaldeko Planaren hirigintza-garapenaren ondorioz sortuko diren kale berriak izendatzeko proposamena ere, emakumeen zerrenda horren izenekin”.

Bihar Osoko Bilkurak eztabaidatuko duen proposamenak hirugarren puntu bat du, eta bertan planteatzen da kaleak izendatzeko proposamena Txantrea auzoko auzo-elkarteei helaraztea, balioets dezaten eta, hala badagokio, babes dezaten.

Hona hemen proposatutako zerrenda:

JULIA BEA SOTO

TEODORA SERRANO SERRANO

AURORA GÓMEZ URRUTIA

JULIA FERNÁNDEZ ZABALETA

MARÍA LUISA ELÍO BERNAL

JOSEFINA GUERENDIÁIN CARO

NEMESIA BAZTÁN TURRAU

RAMONA ZAPATERO ZAPATEL

MATILDE HUICI

MARÍA DEL CARMEN HÚDER CARLOSENA