Albisteak

2022-01-04

EH Bilduk gardentasuna eskatu dio Nafarroako Gobernuari Europako funtsekin finantzatutako proiektuei lotuta

EH Bilduk gardentasuna eskatu dio Nafarroako Gobernuari Europako funtsekin finantzatutako proiektuei lotuta NAFARROA

Alderdi politikoak kritikatu du Gobernu Irekiak oraindik ez duela funtsen kudeaketari buruzko informaziorik jasotzen, Gardentasun Legeak ezartzen duen bezala

EH Bildu Nafarroa talde parlamentarioak hainbat galdera egin dizkio Foru Gobernuari, jakiteko “noiz aurreikusten duen Gobernuko presidenteak agerraldia egitea Europako funtsen kudeaketari buruzko azalpenak emateko bai eta horri buruzko informazio guztia argitaratzea ere”.

EH Bilduk gogorarazi du joan den ekainaren 30ean aldatu egin zela Gardentasunari, Informazio Publikorako Eskuragarritasunari eta Gobernu Onari buruzko Legea, “Kohesiorako Berreskurapenerako Laguntzatik eta Europako Lurraldeetarako Europako funtsen kudeaketari buruzko gardentasunari eta kontu-emateari buruzko (REACT-EU) eta Berreskuratze, Transformazio eta Planari buruzko xedapen berria sartzeko”. Horren arabera, “Nafarroako Gobernuaren Atari Irekian, informazio-sistema integral bat jasoko duen espazio bat prestatuko da, eta bertan Nafarroako Foru Komunitateko Administrazioaren eta haren foru sektore publiko instituzionalaren informazio guztia argitaratuko da, Europako Lurraldeen Kohesiorako Laguntza Berreskurapenerako Laguntzaren funtsak kudeatzeari buruzkoa eta Europa Eraldatzeko eta Berreskuratzeko Plana. Gainera, gune honetan proiektuen gauzatze-egoeraren eta lortutako emaitzen berri emanen da”.

Hala ere, EH Bilduk salatu duenez, “Gobernuari ezartzeko eman zitzaion 6 hilabeteko epea amaitzear dagoela, oraindik ez dakigu noiz sortuko den, oraindik ez baitago horri buruzko ezer Gobernu Irekiko Atarian”.

Era berean, alderdi politikoak gogorarazi du apirilaren 14ko 4/2021 Foru Lege Dekretuaren arabera, Europako Berreskuratze Tresnatik datozen Europako funtsen bidez finantzatzen ahal diren jarduerak kudeatu eta gauzatzeko premiazko neurriak onartzen dituena, xedapen gehigarri bakarrean, gardentasunari buruzkoan, “Nafarroako Gobernua hiru hilean behin agertuko da Nafarroako Parlamentuan, Berreskuratze, Eraldaketa eta Erresilientzia Planean sartzeko aurkeztu dituen proiektuen berri emateko”.

Hala ere, “ia bederatzi hilabete igaro ondoren, Gobernua oraindik ez da agertu Parlamentuan eduki horien berri emateko”, kritikatu du EH Bilduk.

Hori guztia dela eta, talde parlamentarioak Gobernuari galdetu dio ea “Gobernu Irekiaren Atarian informazio-sistema integral bat izango duen gunea irekitzeko asmoa duen ezarritako epean, bertan, Administrazioak eta bere foru-sektore publiko instituzionalak Europako funtsen kudeaketari buruz duten informazio guztia argitaratzeko”.

Halaber, EH Bilduk jakin nahi du “noiz aurreikusten duen Gobernuak Parlamentuan agerraldia eskaintzea, apirilaren 14ko 4/2021 Foru Lege Dekretuaren xedapen gehigarri bakarrak behartzen duen moduan”.

EH Bilduren ustez, “oinarrizkoa da funts publikoekin finantzatutako proiektuen edukiari eta gauzatzeari buruzko informazioa publikoki ematea” eta Nafarroako Gobernuari eskatzen dio “ezarritako legezko betebeharrak betetzea eta Europako funtsen kudeaketari dagokionez ahalik eta gardentasun handienarekin jardutea”.

Hartu hitza!
Zure ideiak entzun nahi ditugu
Batu!
Aktibisten sarera gehitu zaitez
Saretu!
Sare sozialetan aktibismoa
Deskargatu!
Material eta bitartekoen kit-a