Iruña indarkeria matxistaren aurkako borrokaren abangoardian kokatu zuen hiri-estrategia horren aldeko apustua berretsi du alderdiak

EH Bilduk babestu egin du Emakumeen Kontseiluak atzo hartutako erabakia. Horren arabera, Sanferminetako eraso sexisten aurkako protokoloa eta kanpaina osorik mantentzeko eskatu diote gobernu taldeari. Alderdi soberanistak txalotu egin du Indarkeria Sexistaren aurkako Emakumeen Plataformaren, mugimendu feministaren eta Kontseiluko gainerako kideen “tinkotasuna”, Na+en xantaiari eta alkatearen presioei amore ez emanez, protokoloaren funtzionamendua kontrolatu nahi baitu, haren eraginkortasuna laminatzeko eta haren baliozkotasuna zalantzan jarriz. Alderdi abertzaleak berretsi egin du gaur egungo protokoloa, kanpainaren jarraipena eta, batez ere, Iruñea eraso sexisten aurkako borrokaren abangoardian kokatzea lortu zuen hiri-estrategia errespetatzea eta hauxe oinarritu zuen adostasuna.

EH Bilduk espero du Emakumeen Kontseiluak atzo aho batez hartutako akordioak gobernu taldea bere jarrera zuzentzera eta protokoloa aplikatzera behartzea, orain arte egin izan den bezala. Era berean, alkateari bereziki exijitu dio onar dezala kanpaina honetan kolektibo feministekin eta festako kolektiboekin batera lan adostuta egitea. «Mayaren harrokeriak, eraso sexistak ikustaraztearen aurrean jarrera anbiguoak eta mugimendu feministari egindako desplanteak, duela astebete Indarkerien Talde Iraunkorretik altxatzera eraman zuten mugimendu feminista, eta hori ez zen gertatu behar», gogorarazi du EH Bilduk. «Espero dugu Kontseiluak aho batez onartutako planteamenduaren aurrean, udal gobernuak bere jarrera zuzentzea», gehitu du. Alderdi honen ustez, alde bakarretik eta inposaketaren bidez jardutea oso akats larria litzateke, Iruñeak erasoen aurkako borrokan erreferente gisa duen posizionamenduaren kaltetan.

Iruñeak mugarri bat ezarri zuen 2016an eraso sexistei emandako erantzunaren kudeaketa publikoan. Mugarri horrek hiria erreferente bihurtu zuen estatu osoan, eta ezin dugu posizionamendu hori galdu aurreiritzi ideologikoengatik edo interes merkantilistengatik, emakumeen askatasunaren aldarrikapena eta edozein erasoren salaketa publikoa baldintzatuz. Kontseiluaren jarrera ezinbesteko bermea da atzerapauso bat ere ez dela emango, indarkeria matxista ez dela izkutatuko eta gizarteak estrategia horretan duen protagonismoari eutsiko zaiola bermatzeko.