EH Bilduk espetxeratuen eskubideen urraketan oinarritutako eta horien senide eta lagunentzako zigorra suposatzen duen espetxe politikarekin amaitzeko eskatu du. Dagoeneko bi hilabete baino gehiago dira presoek ezin dutela bisitarik jaso koronabirusak sortutako egoera dela eta. Asteburu honetatik aurrera bisitak egiteko baimena eman duten arren, euren probintzietatik kanpo espetxeratutako pertsonek ez dute horietarako baimenik izango.
 

Halaber, EH Bilduk kezka agertu nahi du Murtzian espetxeratuta dagoen Patxi Ruiz preso nafarraren egoerarengatik, gose eta egarri greban baitago.

Azkenik, urruntzearen amaiera bai eta gaixotasunagatik eta adinagatik aske egon beharko luketen pertsonak aske uztea ere eskatu du EH Bilduk, hainbat gizarte erakunderen (Salhaketa, Sare, Etxerat eta Altsasu Gurasoak) adierazpenean eskatzen den bezala.