EH Bildu bi lehentasuna ezarri ditu etxebizitzaren arloan datorren legegintzaldiari begira: batetik, larrialdi egoeran dauden familientzako udal etxebizitza eraberritzeko planari amaiera ematea, zaharberritutako 170 pisu jarriko direlarik 500 pertsonen eskuetan; eta bestetik, alokairuaren merkatuan eragin, bi neurriren bitartez: alokairuzko babeserako 300 etxebizitza eraikitzea, zeintzuetatik 150 auzoko gazteen emantzipazioa bultzatzera bideratuko diren Gazteria planaren barruan; eta Aloka Programa garatzea, egun hutsi daude etxebizitza probatuak alokairura ateratzeko, Udal Etxebizitza Bulegoak kudeatuko duen Alokairu Poltsa baten bitartez. 

Arrotxapeak San Pedro auzoan egindako adierazpenetan, alkate eta EH Bilduren hautagaiak adierazi du, proposamen horiek helburu bikoitza dutela: “Etxebizitzara sarbidea oinarrizko eskubide gisa aitortzea, okerren pasatzen ari direnak laguntzea eta baliabidek garatu alokairua aukera bat izan dadin hiri honetan”. EH Bilduk etxebizitza arloan aurkeztutako neurriekin batera, alokairuaren merkatura pisu gehiago ateratzea xede duen ekimenean sakonduko dutela adierazi du Asironek: banku eta higiezin agentziek dituzten etxebizitza hutsen gaineko zerga aplikatzea. 

Agerraldi horretan bertan Joseba Asiron alkateak ekintza sozialari loturiko beste bi neurri aurreratu ditu, EH Bilduk datorren legegintzaldiari begira garatuko dituenak: pobreziaren eta bazterkeriaren kontrako plana eta etxebizitza duinaren, enpleguaren eta ongizatearen aldekoa; urteroko aurrekontuetan partida zehatza izango duena eta egoera horien atzean dauden faktoreei aurre egitea helburu duena. Bestalde, Menpekotasunaren Udal Arreta Plana sustatuko du, etxez-etxeko Arreta Zerbitzuaren lana osagarritzeko, baita egun dauden diru laguntzak eta beste erakundeetatik iristen diren laguntzak osatzeko ere; gaur egun Iruñean bizi diren eta menpekotasunen mailaren bat duten 5000 pertsonen %100ari arreta bermatzeko. 

Bukatzeko, Asironek nabarmendu du “egun hauetan atzoko Iruñearen, Enrique Mayak ordezkatzen diren Iruñearen eta etorkizuneko Iruñearen, EH Bilduk gisatzen duen aldaketaren arteko desberdintasunak ikusten ari gara. Guk garapen planak proposatzen ditugun bitartean, egoera zailean dauden pertsonentzako laguntzak eta hiriaren aniztasuna aitortzeko planak, Navarra Sumaren lehentasuna atzera egitea da, lau urte hauetan egin den guztia desegitea Iruñea gris hartara itzultzeko, Erregimenaren garaietako Iruñea zurrun eta injustu hartara.