Hauek dira gure programan jasotzen ditugun neurrietako batzuk:

• Fruta eta barazkien merkatua ez da industrializazio eta esportazioan soilik zentratu behar. Hurbileko merkatua garapen handiko merkatua da eta potentzial handiagoa dauka sistema ekologikoetan.
• Behi esnearen sektoreari dagokionez, ekoizpen-gune tradizionaletan (bazka-larreetan) ekoizpen mota hau mantendu ahal izateko neurriak hartu behar dira.
• Artaldeek ingurumenean eragiten dituzten abantailak kontuan izatea.
• Errentaren %50a gutxienez nekazaritza edota abeltzaintzatik jasotzen duten nekazari eta abeltzainei lehentasuna ematea eta laguntza bereziak ematea ingurumena zaintzen dutenei.
• Produktu ekologikoak eta bertoko laborantza zein ganadua lantzen dituztenei babesa ematea.
• Transgenikoei buruzko politikak aplikatzea, horiek ezabatzeko jarrera proaktiboa bultzatuz.
• Arauen erregulazio malgua izatea nekazaritza eta abeltzaintza produktuen eraldaketan eta salmenta zuzenean diharduten ustiategientzat.